حوار الطرشان بين الفشارين أبو العربى
وأبو لمعه حول حرب لبنان
بقلم :الأستاذ/ علاء الغندور..رئيس تحرير مجلة غندور نيوز
أبو العربى:صباح الخير يابولمعه..أنت كنت فين؟
أبولمعه:كنت فى جنوب لبنان بأعلمهم على ضرب الصواريخ الجديده على أسرائيل
ابو العربى:أزاى؟ دنا كنت هناك وضربت الصواريخ على حيفا
أبولمعه:غريبه.. ما شفتكشى..د انا اللى ضربت البارجه الأسرئيلية
ابو العربى: لما أنت ضربت البارجه الاسرائيليه..أمال أنا ضربت ايه؟
أبو لمعه: أنت ضربت الباخرة المصرية يا فالح
وهنا يأتى كوهين صاحب محل الكشرى صارخا:فين فلوسى ياخبيبى انت و هو؟
أبولمعه: فلوس ايه يا خواجه؟
كوهين:فلوس الكشرى اللى كلتوه امبارح عندى فى المطعم؟
ابو العربى:انت مش كنت فى لبنان امبارح وضربت البارجه ؟
أبولمعه:أيوة وكنت معاك وضربت الباخرة
فقام كوهين ووقف على الترابيزة أمامهما قائلا:انا الباخرة المصرية يا خبيبى..هاتوا الفلوس..
فقام كلاهما ودفعا له..قال لهما:بطلوا فشر بقه و بطلوا جعجعه..يا عرب
أبولمعه:احنا مش فشارين..فقال كوهين:يعنى هتحاربوا اسرائيل؟
ابوالعربى: بتقول شط النيل..يا حلاوته بالليل
فقال كوهين:بأقول هتحاربوا اسرائيل؟
ابولمعه:بتقول نص الليل..آه أنا بحب السهر بعد نص الليل
كوهين:ايه رأيكم فى حسن نصر الله؟
ابو العربى: دا راجل من ضهر راجل
ابو لمعه: دا بطل و بيفكرنى بصلاح الدين الأيوبى
كوهين:و هتسيبوه يحارب أسرائيل لوحده؟
ابوالعربى:بس هوه مخدش رأيى لما جه يحارب
كوهين:طيب و أسرائيل كانت خدت رأيك؟
ابو لمعه:لأ..أصل أنا كنت نايم وما عرفوش يكلمونى
كوهين:يعنى هتروح تحارب معاهم؟
ابوالعربى:طيب بس عندى خزينه مليانه مليارات الدولارات هأقلبها أوام أوام و آجى
كوهين:و أنت بابولمعه..هتروح تحارب معاهم؟
ابولمعه:بتقول أتعشى معاهم..لأ..أنا معزوم على العشاء عند الموزة بتاعتى
كوهين:يا خسارة..على الرجاله..صحيح أسرائيل لها حق تعمل فيكم أكتر من كده.
ابوالعربى:دى أغنية أيهاب توفيق..أكتر من كده ايه..انا بأحب الأغنية دى..
كوهين:والناس بتوع حزب الله اللى بتحارب نيابة عنكوا..هتسيبوهم يموتوا
ابولمعه: لأ..مش هنسيبهم..احنا هنشجب و هنستنكر
ابوالعربى يطلع السبحه ويسبح ويقول:ولا تحسبن الذين قتلوا فى سبيل الله أمواتا
بل أحياء عند ربهم يرزقون...حى...حى...الله حى.
يقوم أبولمعه بالتمسح فيه قائلا:بركاتك ياسيدنا الشيخ يابركه..حى..حى..كله ينزل يزق
كوهين:أنتوا كفاية عليكم ..اسرائيل تبعت لكم قطه تأكلكم!!!!!!!!!!!!!!
************************************asd_asd987@yahoo.com
.
أضف تعليقا
<<الصفحة الرئيسية