حكايات علاء الغندور

**الناس بتجرى كده ليه ؟؟

بقلم:علاء الغندور..

كنت أسير فى شوارع القاهرة فى منطقة الموسكى و العتبة و التوفيقية و رأيت الناس يجرون ويتصارعون على الحركة و المرور و يقوم البعض بدفع الآخرين لكى يمرون بسرعة حتى لو

وقعوا وتبدأ موشحات الشتيمة و فاصل من الردح بكل أنواعه وقد تتطور الأمور الى الضرب

و تقطيع الملابس ويتدخل أ ولاد الحلال للفصل بين المتصارعين وفى النهاية تتقطع ملابسهم ويحلفوا بأن لايتدخلوا فى أى مشاجرة مرة أخرى وتكون فرصة طيبة للنشالين لكى ينشلوا

ويهربوا وبعدها تسمع الصراخ والعويل من المسروق الذى ما يلبث أن يرى النشال يجرى مسرعا يعبر الشارع فتأتى سيارة أتوبيس مسرعة لتصدم النشال ويلقى مصرعه ويموت

فطيس !!! طيب أستفدت أيه وبتاخد حاجة مش بتاعتك ليه ؟! وكل واحد بيجرى عايز يلحق ياخد كل حاجه اللى من حقه واللى مش من حقه !!!! يا ناس قليل  من الأيمان يريح الجميع ..

يعنى لو كل واحد يؤمن بأن ربنا مقسم الأرزاق بحكمة و عدل ماكانشى حد تعب..لو كل واحد رضى بنصيبه و بالمقسوم له متكانشى هيبقى فيه مشاكل و لاحروب ..لو كل ست ما تطلبشى من جوزها ما يزيد عن طاقته و أمكانياته و بأى وسيلة سواء بالسرقة أو النصب او الاحتيال

..لو أتزرعت الرحمة فى قلوبنا وراعينا بعض ما كانشى يبقى ده حالنا... يا ناس الرزق مش فلوس بس ده صحه وستر وذريه وراحة بال ومليون حاجة تانية  وعلى رأى المثل تجرى يا أبن آدم جرى الوحوش عن رزقك لم تحوش  و ربنا يهدينا جميعا.