الزوجة النكديه تظهر فى فرنسا..زوجة ساركوزى تحرمه من صوتها فى الانتخابات
*********************بقلم : علاء الغندور
كنت أظن ان الزوجة العربية ..أقصد قلة قليلة منهن!!!!!! متفردات بالنكد الزوجى
و لكن كانت صدمتى كبيره عندما أعلن موقع ليبراسيون الفرنسي بأن سيسيليا زوجة
نيكولا ساركوزى الرئيس الفرنسى المنتخب..لم تدل بصوتها لزوجها فى الجولة الثانية
من الانتخابات وهو ما يعنى انها تخلت عنه فى الجولة االحاسمه الاخيرة من الانتخابات
وهذا يعنى انها نكدت عليه وعلى اللى خلفوه..و مش بس نكد..دى نداله و قله تربيه
و قلة أصل ..يعنى يا وليّه يا لاسعه..دا انتى هتبقى سيدة فرنسا الأولى..و كل الأضواء
عليكى من كل حدب وصوب..تقومى تطعنى جوزك ابو عيالك بسكينه تلمه فى ضهرة
..الله يخرب بيت النسوان اللى بالشكل ده..هوه فيه ايه؟
لأ..و ما تسكتش..دى بلغت الصحف و المواقع الاليكترونيه باللى عملته..شفتوا البجاحه
..يعنى اذا بليتم فأستتروا...
بصراحه انا لو كنت مكانه كنت حطيتلها سم فيران وخلصت منها..لأ..بلاش ..انا كنت
علقتها فى المروحه بتاعة السقف..و شغلت المروحه على اقصى سرعه..لأ..بلاش
أحسن تموت و تجيبلى مصيبه..
بصراحه..احتار دليلى..و محتاج مساعدتكم..حد فيكم ممكن يقوللى ممكن نعمل ايه فى
الست المفترية و النكدية دى ؟
عزيزى القارىء..ماذا تفعل اذا كنت مكان رئيس فرنسا و اكتشفت ان زوجتك لم تصوت
لك فى الانتخابات و تخلت عنك..؟و فضحتك علنا و فرجت العالم كله عليك؟؟؟؟؟؟؟؟؟؟؟؟
*******************
15 مايو, 2007 04:56 م